Kjo veprimtari synon të zhvillojë kompetencën qytetare dhe i ndihmon nxënësit të kuptojnë parimet themelore të kushtetutës dhe rëndësinë e tyre në funksionimin e shtetit të së drejtës. Ajo kontribuon, gjithashtu, për zhvillimin e kompetencës së komunikimit dhe të të shprehurit nëpërmjet shpjegimit dhe prezantimit të ideve, si dhe të kompetencës së të menduarit kritik, duke lidhur normat kushtetuese me situata konkrete nga jeta reale. Përmes punës në grup nxënësit zhvillojnë kompetencën personale dhe sociale duke bashkëpunuar, duke ndarë mendime dhe duke respektuar qëndrime të ndryshme.
Nxënësit ndahen në grupe të vogla. Secili grup zgjedh një parim të Kushtetutës së Republikës së Shqipërisë, e lexon në tekstin e kushtetutës dhe e shpjegon atë me fjalët e veta.
Grupi duhet të japë një shembull konkret nga jeta e përditshme që tregon si zbatohet ky parim në praktikë.
Kushtetutën e gjeni në https://klp.al/wp-content/uploads/2020/02/Kushtetuta-2017.pdf
Grupet përgatitin një prezantim të shkurtër (fjalim, poster ose lojë me role) ku shpjegojnë parimin përkatës dhe e konkretizojnë me shembuj konkretë.
Nxënësit reflektojnë për rëndësinë e zbatimit të këtyre parimeve në praktikë.